Galería de imaxes

Venres 11 Outubro 2019

Os alumnos do CIFP A FARIXA de 1º e 2º dos ciclos superiores de Sistemas Telecomunicación e Informáticos e Automatización e Robótica Industrial , xunto con 2º ciclo medio Instalacións de Telecomunicación asistiron a InnovAtlántico 4.0, "Salón de las Nuevas Soluciones Tecnológicas", acompañados por profesorado do departamento de Electricidade-Electrónica.

Neste salón participaron empresas de vangarda nos campos de impresión 3D (tanto tecnoloxías como equipamentos), mantemento remoto, robótica aplicada a cadenas de producción industrial, PLC´s con tecnoloxias wifi, IOT, etc.

Os alumnos asistiron a varias demostracións e conferencias.

Galería de imaxes

Un ano máis, no Cifp A Farixa, xuntamonos para celebrar as “Letras Galegas”, lembrando que os galegos e galegas temos unha lingoa propia coa que contribuimos a enriquecer a cultura universal.

Homenaxeamos a Antonio Fraguas Fraguas, un dos principais cronistas de Galicia, pola súa traxectoria a prol da nosa cultura e o seu labor como historiador, profesor e recuperador da nosa fala.

O acto, presentado por Laura Rodriguez e o profesor José Antonio González, contou co espazo “Charlando con Antón Fraguas” no que nos falou da súa infancia, da súa mocidade e dos últimos anos.

Diversas actuacións musicais a cargo do grupo “Os da Farixa” que interpretaron “Adiós ríos; adiós, fontes” de Amancio Prada – Rosalía de Castro, “Lela” (versión de Dulde Pontes) - Castelao, “A Rumboia” de A quenlla, que tivo como solista ao profesor Manuel Quintana e coros dos alumnos de “Tafad”.

O concurso “Acerta e gana” presentado polo profesor Xoan Manuel Bazarra, estivo moi emocionante. Profesores e alumnos competiron, un ano máis, por demostrar os seus coñecementos acerca da vida e obra de Antón Fraguas. O concurso rematou cun empate a 200 puntos entre os equipos, demostrando o alto nivel dos participantes que non fallaron ningunha das preguntas.

Para terminar, como acto de evocación da identidade de Galicia, o entregado público entoou o Himno Galego que foi cantado por todos os asistentes postos en pé.

As actividades para a celebración das Letras Galegas no CIFP A Farixa estiveron organizadas polos Equipos de Dinamización da Lingua Galega e de Biblioteca. Agradecemos a toda a  comunidade educativa que, dunha ou doutra maneira, participaron no desenvolvemento do acto.

¡Parabéns a todos polo traballo realizado nesta fermosa actividade!

Actividade:  Estación depuradora de Ourense

Data:  19 de abril de 2018

Galería de Imaxes

A visita á Nova Estación de Augas Residuais de Ourense (EDAR) participaron alumnos de 1º e 2º de CS de EEEST da Familia de Enerxía e Auga e alumnos do CS de Edificación, foi máis que interesante.

Cumprindo o obxectivo xeral de coñecer todo o proceso e as partes dunha EDAR moderna, tivemos oportunidade de visitar e aprender sobre:

• Proceso de tratamento e separación de lodos e de augas residuais.
• Funcionamento da sala de control totalmente automatizada e monitorada con modernos SCADA
• Instalacións das redes de auga potable, de auga residual, de vapor de gas, de biogás, de electricidade en baixa tensión e en alta tensión trifásica, etc.
• Todo o proceso construtivo das edificacións e as diferentes fases de montaxe das instalacións, a través dun vídeo proxección.
• Piscinas de tratamento biolóxico
• Cámaras de combustión do biogás para a produción da calor necesaria nos procesos da EDAR. ( Cogeneración)
• Motor de combustión de biogás para o movemento dun xerador eléctrico. ( Cogeneración)
• Centos de motores, bombas, electro válvulas, válvulas neumáticas, cadros de mando e protección, sensores e detectores, etc.

Nas fotos da galería móstranse algúns destes momentos da visita.

En resumo, todo o equipo de profesores consideramos unha visita altamente recomendable para os nosos alumnos e que esperamos repetir.

Actividade:  Iniciación ao Surf

Data:  25 marzo de 2019

Galería de imaxes

                      Alumnos de 1º de TAFAD na praia de Patos, Nigrán

Actividade:  Presentación melloras da envolvente térmica

Data:  19 de marzo de 2018

Galería de Imaxes

As empresas SISPAVITEC e PROPAMSA desenvolveron no noso centro una jornada sobre aillamento térmico. Manuel López de Sipavitec fíxonos unha presentación sobre os tipos de melloras da envolvente térmica utilizados actualmente polas empresas instaladoras, con especial atención ao sistema SATE, moi empregado no aillamento polo exterior debido os seus bos resultados na mellora da eficiencia enerxética da vivenda. Tivemos unha moi interesante exposición práctica por parte do técnico, Dani, de Sispavitec que fixo unha demostración de como debería ser unha correcta instalación dun sistema SATE. Todo con a axuda da empresa Propamsa, que ofreceu o material para a demostración e tamén nos acompañaron con dous técnicos especializados aportando coñecementos sobre o comportamento químico dos productos empregados.

Nesta actividade participaron o alumnado de 2º de Eficiencia enerxética e instalacións solares térmicas,os de 2º de Proxectos de edificación e os de 2º de Obras de interior, decoración y rehabilitación.

Agradecer as empresas participantes a súa boa disposición para acercar un pouco máis o ámbito empresarial da zona de Ourense aos alumnos destes segundos ciclos.

Actividade:  Centro Reemisor de Barbadás

Data:  26 de febreiro 2019

Galería de Imaxes

Visita ó Centro Emisor Ourense (Reemisor de Barbadás), xestionado por Cellnex Telecom, S.A. , por alumnos de:

1º do Ciclo formativo de Sistemas de Telecomunicación e Informáticos, enmarcada como actividade complementaria do Módulo Profesional de Elementos de Telecomunicación.

2º do Ciclo formativo de Mantemento Electrónico, enmarcada como actividade complementaria do Módulo Profesional de Mantemento Equipos Radiocomunicacións.

Recibiron explicacións sobre equipos transmisores de TDT e FM, xunto cos correspondentes sistemas radiantes, posta a terra e sistemas de alimentación ininterrompida. E demostración de equipamento de Fibra Óptica

O CIFP A Farixa e o Concello de Celanova acaban de asinar o acordo de colaboración no que o alumnado dos Ciclos Superiores de Axencias de viaxes e xestión de eventos e de Guía, información e asistencia turísticas, mergullaránse nas actividades da XVII Romaría Etnográfica do Raigame en Vilanova dos Infantes o vindeiro 17 de maio.

Este acordo dálle a oportunidade aos estudantes de participar como meritorios/as nas tarefas da organización e control do evento e na atención dos visitantes así como a oportunidade de levar a cabo visitas guiadas aos asistentes, coordinados polo Técnico do Concello Antonio Piñeiro, o do Centro Cultural Popular Xoaquín Lorenzo, Javier Álvarez e a Xefa do departamento de Turismo, Rita Masid.

Un ano máis os alumnos do Ciclo superior de Producción de Audiovisuais e Espectáculos do CIFP A Farixa participan na ICC Week. Se trata dun evento referencia no sector das industrias culturais que se celebra todos os anos en Ourense. Os alumnos desenvolven durante unha semana tarefas propias das competencias do ciclo, como asistencia técnica en eventos, realización de fotografías e vídeos ou asistencia á producción, entre outras.  Esta experiencia é dobremente satisfactoria para o alumnado, posto que por unha banda, lles permite poñer en práctica o aprendido nas clases nun entorno completamente profesional e ademáis posibilita a asistencia a eventos de grande interese no seu campo de estudos.

Esta iniciativa é posible a grazas á colaboración entre o CIFP A Farixa e a Deputación de Ourense, organizadora do evento.

Presentación Movilidades Erasmus+ 2019

El pasado día 18 de Marzo O consorcio Ourense-Europa celebró en el Salón de Actos del I.E.S. 12 de Octubre

Os pasados días 6 e 7 de Febreiro, impartíronse no Salón de Actos deste centro, charlas encamiñadas á concienciación e uso responsable respecto das Tecnoloxías de Comunicación, por parte do Garda Civil: EFRÉN VARÓN, destinado no Equipo de Investigación da Compañía de Ourense – Delincuencia Tecnolóxica, quen se fai cargo das dilixencias relacionadas con esta tipoloxía delituosa.

Impartíronse coñecementos dos ilícitos penais máis frecuentes, tales como ESTAFAS, DELITOS CONTRA A INTIMIDADE, USURPACIÓN DE ESTADO CIVIL, APROPIACIÓN INDEBIDA, DANOS INFORMÁTICOS, etc, realizando unha explicación supostos prácticos.

Procedeuse tamén a tratar os delitos e infraccións relacionados/ as coa LEI DE PROPIEDADE INTELECTUAL, e tipoloxía referente ao actual Regulamento Xeral de Protección de Datos ( RGPD), no que ao uso de fotografías refírese (procedemento para denunciar un uso inadecuado de imaxes).

De igual maneira, fíxose especial mención ás figuras de ACOSO e VIOLENCIA DE XÉNERO, así como a súa tipoloxía relacionada (Calumnias, Inxurias, Ameazas).

Ao acto, asistiron alumnos dos ciclos de Edificación e Obra Civil, Eficiencia Enerxética, Electricidade e Electrónica, Hostalaría e Turismo, Imaxe e Son e Actividades Físicas e Deportivas , quen mostrou un alto grao de interese e participación.

Na sala de xuntas de  CIFP - A  Farixa celebrouse a reunión dos membros do Xurado do concurso de  FotoRelato 2019 que este ano tivo como tema: “Galicia e a  súas  xentes”.

Como en edicións anteriores a decisión do xurado non foi nada fácil elixir  entre a variedade de fotografías e relatos presentados polos alumnos participantes no concurso.

Con todo, os gañadores do certame non se farán públicos ata o próximo mes de marzo, no que se celebrará o acto de entrega de premios que xa están a preparar alumnos e profesores do centro.

Lembrar que o concurso de FotoRelato é unha actividade programada polos equipos de Dinamización dá língua Galega e de Biblioteca, cuxo obxectivo é concienciar á poboación sobre a importancia de respectar o medio ambiente e defender e protexer a contorna que nos rodea.

A exposición dos gañadores do concurso  de edicións anteriores “Camiñando a natureza” pódese ver no vestíbulo do edificio principal do CIFP - A Farixa.

Na competición de GaliciaSkills 2018 que se celebrou en Santiago de Compostela os nosos alumnos Virginia Romina Rey e Kevin Domínguez Lorenzo obtiveron medalla de prata nas súas competicións.

Virginia Romina Rey, alumna do Ciclo de Obra de Interior, Decoración e Rehabilitación, participou na modalidade de Pintura e Decoración.

Foi titorada pola profesora da especialidade Carmen Iglesias Delgado.

Kevin Dominguez Lorenzo, alumno do ciclo de Sistemas de Telecomunicación e Informáticos, participou na competición de Electrónica.

O profesor da especialidade Angel Benito Álvarez Rodríguez foi o seu titor

Ademais tamén se presentarón á competición de Pintura e Decoración os alumnos José Dasilva Lorenzo e Antón Almuiña Casas, ambos do ciclo de Obra de interior, Decoración e Rehabilitación.

As nosas felicitación a todos os alumnos e os seus titores.

                           Actividade:  Fotorrelatos 2018

                           Data:  1 de marzo de 2018

                           Galería de imaxes

O CIFP A Farixa celebrou una nova edición da gala de entrega dos premios do seu concurso de Foto-relato 2018. O Salón de Actos acolleu o evento que estivo organizado polo Departamento de Biblioteca e alumnos de 1º e 2º de Producción de Audiovisuais e Espectáculos e 1º e 2º de Videodj.

Nesta edición, que se celebrou baixo o nome de ‘Galicia e as súas xentes’, resultou co primeiro premio Romina Rey Friedman coa obra ‘Nas Nubes’; en segundo lugar Saúl Martínez con ‘Beleza Oculta’ e Lorena Alonso coa fotografía nomeada como a propia convocatoria.

Á gala, asisitiron numerosos alumnos de todos os ciclos do centro, así como profesorado e membros da directiva. Os premiados foron agasallados con diverso material fotográfico e audiovisual que foi entregado por membros do xurado, do equipo de biblioteca e por dirección. Un ano máis o concurso contou co patrocinio de i-sistemas, on line sistemas informáticos e Comercial Sieiro.

O evento, que foi dirixido por Natalia Salgado Da Silva, profesora do centro e encargada do Departamento de Biblioteca e Rubén Prieto, alumno de 1º de Vdj. Ademáis contou con varias actuacións musicais. Os alumnos Fabiola  Fernández (piano) e Gabriel Atanes (voz) interpretaron a canción ‘Praying’. A continuación de novo Fabiola Fernández e o propio presentador, Rubén Prieto (flauta), realizaron unha adaptación libre de ‘Forest Gump’ e a gala rematou cos alumnos Miguel Fernández, Alberto Cortés, María Riesco, e Rubén Prieto, interpretando ‘Muñeira nº 5’ que ante a insistencia do público tiveron que realizar un bis.

Os viños de Ourense acollerán o vindeiro venres 15 o V Encontro de Cantos de Taberna

- Participan nesta edición os bares Sol, Xes e Orellas, da rúa da Paz e A Nosa Taberna e O París, da rúa Lepanto

- Os grupos As Macizas Centrais, De Pé Feito, Escachaferreñas, Mamuxos e Xúa recorrerán os locais cos seus cantos de taberna a partir das 20:30h.

- O Grupo Reboreda Morgadío será, unha vez máis o principal patrocinador privado do evento.

- As alumnas Iria Riveiro, encargada de comunicación, María Riesco, do equipo de dirección e Luis Alberto Gil Gallardo, de Reboreda Morgadío explicaron os pormenores do evento.

A Nosa Taberna acolleu este martes a presentación do V Encontro de Cantos de Taberna nos Viños de Ourense, unha iniciativa organizada por un grupo de alumnado de 1o curso de produción de audiovisuais e espectáculos do CIFP A Farixa coa que encherán de música e bo humor a noite deste próximo venres 15 de xuño.

O Evento arrincará as 20:30h da Praza do Ferro, onde se darán cita os 5 grupos participantes para percorrer posteriormente un itinerario que encherá de música os 5 locais participantes ata as 23:30h, cando está previsto rematar a festa cun “Miudiño” conxunto de todos os grupos participantes.

Segundo sinalou Iria Rivero, encargada de comunicación do evento, o proxecto, organizado como práctica académica, implica o traballo en grupo do alumnado e as tarefas de xestión e coordinación con empresas, entidades e particulares alleos á práctica habitual no centro de ensino, e permite “a integración do alumnado nun contexto de produción real, cos seus éxitos e os seus fracasos, cos seus convintes e inconvintes”.

Iria Rivero agradeceu a implicación de todos os axentes implicados, “aos bares que non dubidaron en sumarse a iniciativa e aqueles que, por circustancias varias, non puideron participar nesta ocasión, aos grupos que están sempre dispostos a compartir o seu bo humor e as súas ganas de troula con nós, por suposto a Viña Reboreda, que non falta, desde a primeira edición, como adega patrocinadora e a Lugra.”

María Riesco, tamén alumna do ciclo e membro do equipo de dirección do mesmo, explicou o itinerario dos grupos e salientou a variedade de xeitos de facer e de propostas que poderán verse nesta edición.

Pola súa parte, Luis Alberto Gil Gallardo, do Grupo Reboreda Morgadío, agradeceu o convite a participar e salientou a importancia de eventos como estes que axudan a poñer en valor a tradición vinícola e cultural da cidade.